“არასდროს არ უნდა ჩავარდე სასოწარკვეთილებაში”

2015-12-29

“ჩვენთვის დიდი ტკივილია ჰერეთის დატოვება…”

როდის დაიწყეთ ეკლესიური ცხოვრება?

“გავიზარდე ჰერეთში, მართლმადიდებლურ მრავალშვილიან ოჯახში. ეკლესიური ცხოვრება 12 წლის ასაკიდან დავიწყე. ჰერეთში წმინდა გიორგის ეკლესიაში დავდიოდი, ხოლო დაოჯახების შემდეგ, გადმოვსახლდი თბილისში და მამა დავით დათუაშვილის (თბილისის წმ. მთავარანგელოზთა ტაძრის წინამძღვარი) მრევლი გავხდი. ხშირად დავდივარ ნაქულბაქევის წმინდა გიორგის დედათა მონასტერში.

ჰერეთში მყავს დედა და ძმის ოჯახი.ზაფხულში არდადეგებზე სოფელში ჩავდივართ. ჰერელი ქართველებისთვის ჰერეთი დიდი სიწმინდეა, იმიტომ რომ ის საქართველოს ძირძველი კუთხეა. ჩვენთვის დიდი ტკივილია ჰერეთის დატოვება”.

როდის შექმენით ოჯახი?

“12 წლის ვიყავი მომავალი მეუღლე, რომ გავიცანი. ის ჰერეთში სტუმრად იყო მეგობართან. ექვსი წელი შეყვარებულები ვიყავით და 18 წლის ასაკში ოჯახი შევქმენით. ჩემმა მეუღლემ, მხოლოდ ოჯახის შექმნის შემდეგ, ღვთის წყალობით დაიწყო ნამდვილი ქრისტიანული ცხოვრება.

მყავს ოთხი შვილი-ერთი ვაჟი და სამი ქალიშვილი. უფროსი შვილი – ბექა 19 წლისაა და სწავლობს საქართველოს ტექნიკურ უნივერსიტეტში ენერგეტიკისა და ელექტროინჟინერიის ფაკულტეტზე. მარიამი და ელენე სკოლაში სწავლობს, ხოლო მეოთხე შვილი-ანასტასია 4 წლისაა და ბაღში დადის. ბავშვებიც ეკლესიურად ცხოვრობენ, ჰყავთ მოძღვარი და ეზიარებიან”.

როდის დაიწყეს ბავშვებმა ეკლესიური ცხოვრება?

“უფროსმა ვაჟმა 14 წლის ასაკში დაიწყო ეკლესიაში სიარული, ქალიშვილმა – 11 წლისამ. ორმა უმცროსმა ქალიშვილმა- ელენე და ანასტასიამ, როგორც პატრიარქის ნათლულებმა, ნათლობიდანვე დაიწყეს ეკლესიური ცხოვრება. ბავშვების ყოველი დღე მრავალფეროვანია, ხოლო კვირა დღეს უფალს ვუთმობთ და საღვთისმეტყველო წიგნების კითხვით ვართ დაკავებული”.

რაზე უნდა იყოს დამყარებული ქრისტიანული ოჯახი?

“ჩემთვის ოჯახი სიწმინდეა, ოჯახი სიმყარეზე, ერთგულებაზე და სიმტკიცეზე უნდა იყოს დამყარებული. ცოლ-ქმარს შორის არ უნდა იყოს ღალატი, ურთიერთობა ერთმანეთის ნდობაზე უნდა იყოს აგებული. არასდროს არ უნდა ჩავარდე სასოწარკვეთილებაში – ეს არის ქრისტიანული ცხოვრება. ვფიქრობ, რომ ბავშვმა ოჯახიდან უნდა დაიწყოს ეკლესიური ცხოვრება, თორემ არც მერე დაიწყებს ქრისტიანულ ცხოვრებას და არ მივა ეკლესიაში. თუ ოჯახიდან აღიზრდება ქრისტიანული, მხოლოდ მერე შექმნის ქრისტიანულ ოჯახს. ქალზე ძალიან ბევრი რამ არის დამოკიდებული, თუ როგორ წარმართავს ოჯახს, როგორ აღზრდის შვილებს. ლოცვის დროს უნდა წარმოთქვას: “ღვთისმშობელო დედაო, დამეხმარე შვილების აღზრდაში”. ოჯახის მართვა დედაზეა დამოკიდებული, რათა დაამყაროს სიმშვიდე და ქრისტიანული ცხოვრება ოჯახში. თუ ამას დედა არ გააკეთებს, არც მამა და არც შვილები ამას არ გააკეთებენ. ოჯახის მისაბაძი დედა უნდა იყოს”.

გითქვამთ თუ არა რომ ამ განსაცდელს ვერ გაუმკლავდებით?

“არა, ეს არასოდეს არ მითქვამს, რადგან მე მეხმარება ლოცვა, ღვთისმშობლის მფარველობა და შემწეობა. გვაქვს იმის ძალა, რომ არ ჩავვარდეთ განსაცდელში და ასეთ ვითარებაში გვეხმარება მამა დავითის რჩევა-დარიგება. 20 წელია, რაც მამა დავითი დათუაშვილი ჩვენი მოძღვარია”.

ანა ტარტარაშვილი ახალგაზრდებს ურჩევს, აუცილებლად იცხოვრონ ქრისტიანული ცხოვრებით და შექმნან ტრადიციული ქრისტიანული ოჯახი.

ანა ტყებუჩავა

თბილისის წმიდათა
მთავარანგელოზთა სახელობის ეკლესია

რა უნდა იყოს ქრისტიანული ოჯახის საფუძველი?

 

გაგაცნობთ მიხეილისა და ეკას ოჯახს. როგორ დაქორწინდნენ, როდის დაიწყეს ეკლესიური ცხოვრება და რას ურჩევენ ახალგაზრდებს? ამ და სხვა საინტერესო თემებზე ისინი თავად გვესაუბრნენ: ეკა მირუაშვილი (წმიდა მთავარანგელოზთა სახელობის მშენებარე ეკლესიის მაღაზიის გამგე): “ოჯახის შექმნა ძალიან მალე გადავწყვიტეთ. გაცნობიდან ზუსტად 2 თვეში გვქონდა ქორწილი. დაახლოებით ერთ თვეში უკვე ვიცოდით, რომ ცოლ-ქმარი უნდა გავმხდარიყავით.

“არასდროს არ უნდა ჩავარდე სასოწარკვეთილებაში”

 

“ჩვენთვის დიდი ტკივილია ჰერეთის დატოვება…” გაგაცნობთ ოთარ როსტიაშვილისა და ანა ტარტარაშვილის ოჯახს. როგორ გაიცნეს ერთმანეთი, როდის დაქორწინდნენ, როდის დაიწყეს ეკლესიური ცხოვრება? ამ და სხვა თემებზე "ამბიონი" ესაუბრა ანა ტარტარაშვილს.

“ეკლესიის წიაღში სიყვარული და მწუხარებაც კი, კარგად არის გააზრებული”

 

ინტერნეტჟურნალი „ამბიონი“ პერიოდულად გაცნობთ ოჯახებს, რომლებიც ცდილობენ იცხოვრონ ქრისტიანული წესების დაცვით. ამჯერად, თბილისის წმიდათა მთავარანგელოზთა ეკლესიის მრევლს, ოთარ დანდურიშვილისა და ნინო გეჯაძის ოჯახს ვესტუმრეთ, ოთარი და ნინო რომლებმაც ეკლესიური ცხოვრება რამდენიმე წლის წინ დაიწყეს, ერთმანეთი ტაძარში მსახურებისას გაიცნეს და თავიანთი ცხოვრება ერთმანეთს რამდენიმე წლის შემდეგ დაუკავშირეს.

“ეკლესიური ცხოვრება ყველას გვჭირდება”

 

ინტერნეტჟურნალი "ამბიონი" პერიოდულად გაცნობთ ოჯახებს, რომლებიც ცდილობენ იცხოვრონ ქრისტიანული წესების დაცვით. ამჯერად, გაგაცნობთ თბილისის წმიდათა მთავარანგელოზთა მამუკა-ანჟელა ეკლესიის მრევლის მამუკა გუბელაძისა და ანჟელა ნაყოფიას ოჯახს. “ამბიონი” ესაუბრა მამუკა გუბელაძეს: – ჩემი მეუღლე აფხაზეთიდან არის, მაშინ თბილისში ვსაწვლობდი. ერთხელაც ჩემს დასთან წავედი და სწორედ იქ გავიცანი ჩემი მომავალი მეუღლე.

დაგვიმეგობრდი Facebook-ზე!